گلف نیوز کے مطابق، دبئی کورٹس کے اعداد و شمار میں بتایا گیا ہے کہ اماراتی جوڑوں کے درمیان شادیوں کی تعداد 2022 میں 983 تھی، جو 2025 میں بڑھ کر 1,450 ہوگئی۔ اس طرح چار سال کے دوران شادیوں کی تعداد میں نمایاں اضافہ ہوا اور یہ ریکارڈ سطح پر پہنچ گئی۔ 2025 میں شادیوں کی تعداد میں نمایاں اضافہ اعداد و شمار کے مطابق، 2023 میں اماراتی جوڑوں کی 1,104 شادیاں رجسٹر ہوئیں، جبکہ 2024 میں یہ تعداد بڑھ کر 1,244 ہوگئی۔ 2025 میں شادیوں کی تعداد مزید اضافے کے ساتھ 1,450 تک پہنچ گئی۔ طلاق کے واقعات میں بھی اضافہ دبئی کورٹس کے مطابق، اماراتی جوڑوں کے درمیان طلاق کے واقعات 2022 میں 361 تھے، جو 2025 میں بڑھ کر 427 ہوگئے۔ اس طرح چار سال کے دوران طلاق کے واقعات میں 18.3 فیصد اضافہ ریکارڈ کیا گیا،

جو شادیوں میں ہونے والے اضافے کے مقابلے میں کم ہے۔ غیر اماراتی خواتین سے شادیوں میں بھی اضافہ رپورٹ کے مطابق، اماراتی مردوں اور غیر اماراتی خواتین کے درمیان شادیوں کی تعداد بھی بڑھی ہے۔ 2022 میں ایسی 904 شادیاں رجسٹر ہوئیں، جبکہ 2025 میں یہ تعداد بڑھ کر 1,088 ہوگئی۔ دبئی میں شادیوں کے اخراجات میں سہولت، نوجوان جوڑوں کی معاونت اور خاندانی استحکام کے لیے مختلف اقدامات بھی کیے جا رہے ہیں۔ تاہم، اعداد و شمار میں شادیوں میں اضافے کی مخصوص وجوہات کی تفصیل بیان نہیں کی گئی