سعودی عرب میں ایک خوبصورت واقعے کی ویڈیو سوشل میڈیا پر توجہ حاصل کر رہی ہے، جس میں ایک غیر ملکی خاتون کے اسلام قبول کرنے کی خوشی میں ایک سعودی شہری اسے کیک پیش کرتا دکھائی دیتا ہے۔ اس محبت بھرے اقدام کا مقصد خاتون کی زندگی کے اس نئے سفر کی خوشی میں شریک ہونا تھا۔ سعودی شہری کے اس دوستانہ اور خلوص بھرے انداز کو سوشل میڈیا صارفین کی جانب سے مہمان نوازی، محبت اور حسنِ سلوک کی خوبصورت مثال قرار دیا جا رہا ہے۔
